O Feísmo en San Cosme de Barreiros (Lugo)

Onte como cada primeiros de mes fun visitar ós meus avós á parroquia de San Miguel de Reinante. Alí meu pai e eu decidimos ir de paseo a un alto, dende o cal pódese contemplar a costa dende Burela ata Tapia de Casariego. Mentres caminabamos íamos conversando sobre como era o pobo nos 90's cando viviamos alí. Contoume que todo empezou cando a xente comprou fincas onde había gando, a facer os seus chalets sen urbanizar e logo facía a pista para chegar á súa finca. Os constructores saltábanse á toreira as leis de costas e cun plano facían todas as vivendas. Aínda por enriba as autoridades municipais e autónomas facían a vista gorda. Aquilo xa non parecía o que meu pai vira dende pequeno, verdes pastos co seu gando. Coa entrada do novo século chegou o "bum" do ladrillo, de pequenas empresas e casas pasouse a grandes constructoras cos seus enormes guindastres e grandes edificacións, pero seguese sen respetar as leis urbanísticas, construindo ó lado de vivendas de hai cincocentos anos cos seus propios escudos señoriais e preciosas casas indianas. Chegou o goberno do tripartito sacando novas leis o que fixo paralizar as obras. Así durante un ano no que o alcalde xunto co de Foz deciden saltarse esas leis e seguir coas construcións. Ata o día de hoxe onde temos mezclado antigas vivendas cos novos inmobles.
Isto é un claro exemplo da "arquitectura" Feísta que se caracteriza por ter un alto nivel de mediocridade e por degradar o entorno onde se encontra. Este fenómeno dáse en todo o territorio galego, pero o máis polémico é o do concello de San Cosme de Barreiros e o de Foz (o que comentei). Que foi denunciado por corrupción urbanística pero que ó volver o PP ó poder, os alcaldes quedaron libres de delitos e volvéronse a dar permisos de obra coma antes, sen un plan de urbanismo. Isto nos leva a seguinte conclusión: ¿De onde vaise sacar tanta auga para tanta edificio? Se ali o único que hai son regatos case sen auga. ¿Por que non se fixo un alcantarillado por onde sacar as augas fecais e unha depuradora (que aínda non existe)? ¿Quen vai comprar esas vivendas coa crise do ladrillo? Os constructores só pensaban en chear o bolsillo co beneplácito dos concellos e da Xunta.